|
|
|
cunflitte |
|
documiente
|
|
dossiers |
|
definizzione |
BIPPI nunn'è respunsabbele d''o contenuto
d''e site 'e fora
Amnesty
AMREF
BWP
Care
Caritas
Emergency
Greenpeace
HRW
ICRC
Lions
MSF
Oxfam
PBI
Rotary
RSF
Save the children
UN
UNESCO
UNDP
UNICEF
UNPO
WWF |
|
|
D''o 1945
ô 2000, duzzine 'e guerre hanno
fatto quaccosa comme 27 meliune 'e muorte e 35 meliune 'e
refuggiate.
'O 90% 'e cheste vittime erano civile.
Ccà nce sta 'a lista d''e guerre e
d''e cunflitte
ca se cumbattono mó pe tutt''o
munno.
Ccà nce sta na lista d''e cunflitte prencipale
scuppiate durante tutt''a storia, sicondo Wikipedia.
~~~ o ~~~o ~~~
BIPPI è n'inizziativa senza scopo 'e
fà sorde, nata
ufficialmente ll'austo d''o 2004 cu ll'intenzione 'e
dà nfrommazzione d''a capa ô pede, 'e na manera ndipendente e
neutrale, 'ncopp'ê cunflitte 'e mó pe tutt''o munno.
Dint'a na vera democrazzia, n'opinione pubbreca
conzapevole e buono nfurmata è 'o meglio guardiano d''a pace. Canuscenza e
conzapevolezza songo 'a base d''a democrazzia, 'a partecipazzione
è 'o strumiento. Si vulimmo dà
ô popolo ll''opportunità 'e
fà na scelta tra 'a guerra e
'a pace, na canuscenza d'a capa ô
pede
d''e raggione 'e nu cunflitto è fondamentale pe cercà
na soluzzione.
Mó, nuje già
sapimmo poco e niente ncopp'â
cchiù grossa parte d''e
cunflitte ca nce stanno pe tutt''o munno; dicimmo po' ca chillo
poco 'e nfrommazione s''a girano e s''a votano comme diceno
lloro pecché chille ca se danno ncuollo cu 'e bomme ammacchiano
sempe sott'a na muntagna e propaganda e buscie 'a verità
'e pecché fanno 'a guerra.
Nce fanno sulo vedé immaggene
terribbele pe nce dimostrà
tutto e 'o cuntrario 'e tutto e accussí
nisciuno nce capisce cchiù
niente. E' sempe na faticata a truvà
carte origginale,
spiecazzione fernute e elemente currette dint'a na babbilonia 'e
propaganda.
BIPPI fatica ncopp'a chisto.
E si c'arricurdammo ca:
-
'a pace nunn'è na
questione c'avimmo chiuso na vota e pe sempe in Europa;
-
'a guerra è ancora nu
mostro terribbele pe tutt''o munno;
-
tutte quante nuje avimm'a
dicere no na vota e pe sempe
â viulenza
comme sistema pe stabbelí
chi tene raggione e chi tuorto dint'a na
questione;
-
tutte quante nuje avimm'a
faticà
comme 'e dannate pe
"vencere 'a pace”;
-
canuscenza e
conzapevolezza songo 'a base 'e nu
sistema democratico overo;
-
tutte simmo respunsabbele
'e chesta ca
è 'a casa 'e tutte quante nuje,
'o
pianeta Terra,
'o scopo 'e BIPPI è faticà
cu giuvane e viecchie pe
c'educà a na cultura
'e pace. Dint'a stu munno addó nun nce vò
niente a dicere na buscia accussì
tante vvote ca chella addeventa na verità!
BIPPIué,
d''a parte soja, è sempricemente BIPPI comme se
parla a Napule. Penzato e fatto cu 'o stesso
scopo e cu 'e stesse obbiettive, dint'a sta lengua
antica ca 7 meliune 'e perzone parlano cu ciento
dialette differente e ca nisciuno sape overamente
scrivere.
Pecché
scrivere dint'a na lengua ca se mpara 'mmiezo 'a via
è comme mettere nzieme nu mosaico
'e pezzettine sparse pe tutte parte dint'â
memoria e 'a storia 'e nu popolo.
Ll'Europa
Aunita nun nega 'a diversità
culturale quanto cchiuttosto 'a dà mpurtanza.
'A
Carta Europea d''e Lengue Reggiunale o Minoritarie
prutegge e prumuove 'a
diversità
cunsiderannola n'aspetto minacciato d''o patrimonio
culturale 'e tutta ll'Europa.
Ll'UNESCO (Organizzazzione d''e Nazione Aunite pe
ll'Educazzione, 'a Scienza e 'a Cultura) dice cchiù
o meno 'a stessa cosa.
Ll'Italia è 'a casa
comune 'e na babbilonia 'e
lengue e dialette, ll'Istituto Sommer 'e
Linguistica fà
na lista 'e 32 lengue diverse parlate in Italia addó
mmiezo nce sta pure 'o
napulitano, ricanusciuto pure all'ISO
639 Joint Advisory Committee cu 'o codice NAP.
BIPPIué
vò
sempricemente parlà 'nnapulitano d''e grosse
prubbleme nternazzionale pe mmezo d''o strumiento
nfrommatico, 'a na parte pe spannere 'e contenute
d''o pruggetto BIPPI, a ll'ata parte pe caccià 'a
lengua napulitana fora d''o ghetto folkloristico e
plebeo addó sta ogge, pe ne fà na lengua dignitosa
comme tutte ll'ate ca se parlano in Europa e dint'ô
Mediterraneo.
NOTA MPURTANTE
Stu
sito cuntene robba prutetta d''o copyright,
e pe ll'ausà nun simmo state sempre
autorizzate apposta 'a chi ne tene
'o diritto. Nuje vulimmo fà canoscere
sta robba a tutte quante pe fà
capí cchiù meglio 'e prubbleme 'e ll'ambiente,
d''a puliteca,
d''e diritte umane, 'e ll'economia,
d''a scienza, d''a
democrazzia, d''a giustizzia
sociale, e cumpagnia cantanno.
Nuje credimmo ca chesto
è n' "uso justo" 'e tutte 'e cose prutette
'a copyright
comme stabbelito dint'â sezzione 107
d''a US Copyright Law.
Accussí
comme dice 'o Titolo 17
U.S.C. Sezzione 107, 'ncopp'a stu
sito se pubbreca senza scopo 'e fà
sorde pe chille ca teneno nteresse a
leggere pecchè fanno ricerca o
educazzione.
Pe ne sapè 'e cchiù,
jate a:
www.law.cornell.edu/uscode/17/107.shtml.
Chi vó
ausà
sta robba prutetta d''o
copyright p'ate raggione perzonale
ca vanno cchiù
luntano e ll'
"uso justo",
adda
primma vedè 'e se fà
dà
'o premmesso 'a chi ne tene 'o diritto.
BIPPI è nu distribbutore (e
nunn'è n'editore) 'e cuntenute
scritte 'a ata gente e nun tene
nisciuno cuntrollo
editoriale 'ncopp'ê cuntenute. Ogne
opinione, affermazzione, servizzio,
offerta o ate infrommazzione o
cuntenuto
scritte 'a ata gente è respunsabbelità
e ll'autore o editore ca l'hanno
fatto e nunn'è 'e
BIPPI.
|
|
|
BIPPI comme se parla a Napule
